Pukaw iti agrikultura ken imprastraktura gapu iti bagyo Enteng, umaboten iti PHP1.36 million
Mario Bautista
Umabot iti PHP1.36 billion ti pukaw iti agrikultura ken imprastraktura gapu iti bagyo Enteng kas maibasar iti kaudian a record ti National Disaster Risk Reducion and Management Council.
PHP658.99 million ti pukaw iti agrikultura idinto nga umabot iti PHP698.90 million met iti imprastraktura.
Ti sektor ti agrikultura ken imprastraktura idiay Bicol Region ti nakaro a naapektaran nga umabot iti PHP537 million ti nadadael iti mais, pagay, ken high value crops, a nangapektar kadagiti 18,840 a mannalon ken mangngalap idiay Albay, Camarines Sur ken Catanduanes.
Dagiti met natay ket umaboten iti duapulo, idinto a duapulo ket innem ti mapukpukaw ken duapulo ket dua dagiti nadunor.
