INEC AGM Perry Martinez, ibilangna nga irritant dagiti alegasion a maibatbato kontra kenkuana
abyasa
LAOAG CITY – Ibilang ni Acting General Manger Perry Martinez iti Ilocos Norte Electric Cooperative a irritant dagiti reklamo a maibatbato kontra kenkuana.
Segun kenkuana, agtultuloy ti panagtrabahona gapu ta ammona nga awan kinapaysuananna dagiti alegasion kontra kenkuana.
Inpettengna naipasada dagiti amin a kasapulan a dokumento maipanggep iti nadakamat a banag ken maiyururay laengen no ania ti agbalin a desision ti National Electrification Administration.
Kinunana, no maipanggep iti administrative case ket adda iti hurisdiksion ti National Electrification Administration ken criminal case ket adda iti National Bureau of Investigation.
Inrakurak ni Martinez nga adda dagiti sayanguseng a nanagipadano ti reklamo no sadinno maipagarup a kapanunotan dagiti dati nga opisyales iti nasao nga kooperatiba tapno perdien ti imahena.
Nupay kasta, kunana nga awan ti siasinno man a pabpabasolenna maipanggep iti daytoy a banag.
Iti agdama ket saanna masinunuo no ana ti sumaruno nga addang nga aramiden ti National Electrification Administration ken agtultuloy isuna nga agtrabaho ken takderanna ti responsibilidadna iti Ilocos Norte Electric Cooperative.
