AGM Perry Martinez iti INEC, ibilang na a nairanta laeng dagiti reklamo a maibatbato konta kenkuana
abyasa
LAOAG CITY – Ibilang ni Acting General Manger Perry Martinez iti Ilocos Norte Electric Cooperative a nairanta laeng dagiti reklamo a maibatbato konta kenkuana.
Segun kenkuana, agtultuloy ti panagtrabahona gapu ta ammona awan kinapaysunanna dagiti alegasion kontra kenkuana.
Inpettengna naipasada dagiti amin a kasapulan a dikumento maipanggep iti nadakamat a banag ken maiyururay laengen no ania ti agbalin a desision.
Kinunana a no maipanggep iti administrative case ket addan ti hurisdiksion ti National Electrification Administraion ken ti criminal case ket adda iti National Bureau of Investigation.
Inrakurak ni Martinez nga adda dagiti sayanguseng nga dagitoy a reklamo ket maipagarup a kapanunotan dagiti dati nga opisyales iti nasao nga kooperatiba tapno perdian iti imahe na.
nupay kasta kunana nga awan iti siasinno man a pabpabasolen na maipanggep iti daytoy a banag.
Iti agdama ket saanna masinunuo no ana ti sumaruno nga addang nga aramiden ti National Electrification Administration ken agtultuloy isuna nga agtrabaho ken takderanna ti responsibilidadna iti Ilocos Norte Electric Cooperative.
