Ben Madilynn
“WISH granted” ang hangyo sa kadaghanan nga ang “Hopefully Maulit Muli” ang “Free Durian-Eat-All-You-Can” sa lungsod sa Makilala, Cotabato Province.
Matud sa usa sa mga tag-iya sa nursery nga si Aileen Calis nga libre gyud ang pagkaon og durian apan tipigan lang ang liso.
Sa pagsuwat ning balita, sumala pa nga gilain-lain una ang hilaw nga durian gikan sa hinog aron dili na maghuwat og dugay ang mga tawo nga modugok ug mopili sa ilang kan-on sa nursery sa Sitio Bagong Silang, Purok 9, Barangay Conception, Makilala.
Gisaysay pa ni Calis nga kasagaran sa mga ningdugok sa miaging higayon mao ang gikan sa Marawi ug ubang dapit sa Bangsamoro Autonomous Region in Muslim Mindanao (Barmm), General Santos City ug Davao Region.
Gipakaon nila ang liboan ka kilo sa lainlaing klase sa durian nga kadaghanan niini Golden Puyat.
Nasayran nga gipakaon sa tag-iya ang mga durian nga libre sa lugar aron ibilin ang mga liso nga gamiton sa ilang duha ka ektarya nga nursery seedlings.
Mga durian nga ipakaon, ilang gipamalit gikan sa Calinan District, Davao City. (Edgar E. Fuerzas)
