Ben Madilynn
Gironda sa mga tinugyanan sa balaod ang usa ka hotel sa Barangay Agus, siyudad sa Lapu-Lapu niadtong Sabado nga giingon nga dunay nagpadayon nga operasyon sa usa ka Philippine Offshore Gaming Operator (Pogo).
Nagpasabot ba kini nga namalhin na sa Cebu ang mga Pogo gikan sa Luzon human sa pagsibat gikan sa Pilipinas ni Bamban, Tarlac Mayor Alice Guo nga gitaktak sa iyang katungdanan?
Si Manlalaban Renan Oliva, director sa National Bureau of Investigation (NBI) Region 7, miingon nga ang operator sa mga Pogo sa Luzon nga gironda sa mga tinugyanan sa balaod apan wa pa makiha namalhin sa Cebu aron ipadayon ang ilang scam operations.
○ ○ ○
Ang ronda sa Tourist Garden Hotel sa syudad sa Lapu-Lapu nagsugod sa reklamo nga slight illegal detention nga gipasaka niadtong Hulyo 21 sa tulo ka mga Indonesian nationals atubangan sa Lapu-Lapu City Prosecutor’s Office. Anf Ondonesian embassy mihangyo sa pag-rescue sa ilang mga nationals.
Ang tulo nga nakaeskapo mibutyag nga duna pay laing 40 ngadto sa 60 ka mga Indonesian ug ubang mga nationals nga natanggong sa maong hotel. Busa gihimo sa NBI ug sa ubang mga ahensiya asa gobyerno ang usa ka surveillance operation sa pag-verify sa sa maong impormasyon.
Atol sa pagronda na-rescue sa mga tinugyanan sa balaod ang kapin sa usa ka gatos ka mga langyaw, kadaghanan kanila nga Chinese nationals, mga Indonesian nationals ug duna pay gikan sa Myanmar.
○ ○ ○
Ang Pogo operation sa syudad sa Lapu-Lapu nag-okupar og tulo ka mga building. Sa ilawom nga mga andana, dunay mga bars ug mga restaurants aron ang mga tawo sa sud di na kinahanglan nga mogawas pa.
Sumala pa ni Oliva ang mga internet-based scan naglakip sa mga love scams ug uban pa. nasakmit nila ang mga computer nga gigamit sa maong mga scams. Sa akong tan-aw, nangita lang ang mga operator sa Pogo og mga dapit nga mingaw nga sa ilang pagtuo di sila makit-an.
Si Lapu-Lapu City Mayor Ahong Chan mimando sa kapulisam sa sa pag-profile sa mga langyaw sa syudad sa Lapu-Lapu. Apan unsaon pag-profile kon di sila makagawas sa building nga ilang giokupahan? Nabisto ang Pogo sa Lapu-Lapu kay nakaeskapo ang tulo ka Indonesians.
