Ben Madilynn
Giisa sa Philippine Atmospheric, Geophysical and Astronomical Services Administration (Pagasa) ang pipila ka mga lugar sa Luzon ug Visayas ubos sa tropical cyclone wind signal (TCWS) no. 1 niadtong Dominggo, Septiyembre 1, 2024, tungod sa low pressure nga nahimong tropical depression nga ‘Enteng.’
Sa usa ka advisory sa naasoy nga adlaw, ang Pagasa nagkanayon nga si Enteng katapusang nakit-an 120 kilometros amihanan-sidlakan sa Borongan City, Eastern Samar, o 150 kilometros silangan sa Catarman, Northern Samar, dala ang kusog nga hangin nga 45 kilometros matag oras (km/h) duol sa sentro, paghuros hangtod sa 55 km/h.
Ang signal no. 1 giisa sa mosunod nga dapit: Eastern nga bahin sa Camarines Sur, Catanduanes, Albay, Sorsogon, Burias Island, Ticao Island, Northern Samar, Samar; Eastern Samar; Biliran; Northeastern portion of Leyte.
Ang Pagasa nagkanayon nga si Enteng mahimong makaabot sa tropical storm category sa iyang pag-landfall ug agi sa mga lokalidad sa Bicol Region-Eastern Visayas area sulod sa mosunod nga 48 oras base sa forecast kagahapon.
Posibleng mahimong severe tropical storm category sa Huwebes, Septiyembre 5./TPM/SunStar Philippines
