Ben Madilynn
Mihugpa ang mga motorista nga adunay transaksiyon sa Land Transportation Office (LTO) 7 nga naglinya sud sa usa ka mall sa Dakbayan sa Sugbo diin nahimutang ang satellite office sa LTO, Huwebes, Agusto 29, 2024.
Sagad nga tuyo sa mga kliyente mao ang pagkuha og dokumento ilabi na niadtong padayon nga migamit og temporaryo nga plate number.
Ang maong mga kliyente nag-apas sa deadline ilabi na nga sugod sa Septiyembre 1, manakop ang LTO ngadto sa mga motorista nga wala motuman sa bag-ong lagda mahitungod sa paggamit sa improvised ug temporaryo nga mga plaka.
Kini subay sa pagpatuman sa ahensiya sa LTO sa Memorandum Circular No. VDM-2024-2721 ni LTO Chief Assistant Secretary Atty. Vigor Mendoza II nga gitakda ang lagda sa mga plaka sa sakyanan ug motorsiklo sa nasod.
Matod ni LTO 7 Regional Director Glen G. Galario nga P5,000 ang multa alang sa mga nanag-iya og sakyanan ug motorsiklo nga wala motuman sa ilahang bag-ong memorandum. / FVQ, hulagway ni Amper Campaña
