Kotse a naidungpar iti Brgy. 23 iti ili ti Sarrat, maipagarup a police personnel ti driver-na
abyasa
LAOAG CITY – Naidungpar ti kotse ti maipagarup a police personnel iti puon ti Marrungay iti pagtaengan ni Maria Gloria Mirasol iti Brgy. 23, San Andres iti ili ti Sarrat.
Basar iti imbestigasion, maipagaraup a nabartek ti biktima a nagmaneho iti lugan no sadinno adda dagiti mangipaneknek nga adda ti nakitada a bote ti arak iti uneg ti luganna.
Mainaig iti daytoy, agdaldaliasat ti lugan nga agpaamianan idinto a kellaat a napukawan ti kontrol ti biktima bayat ti panagmaneho, rason a nadungpar ti lugan iti puon ti Marrungay iti parbangon ita nga aldaw ti Agosto 29.
Gapu iti daytoy, dagos a nagresponde dagiti kameng ti Rural Health Unit iti nadakamat nga ili no sadinno a nagsagaba ti sugat ti biktima iti nagduduma a paset ti bagi na.
Nupay kasta, nagkedked dagiti opisial ti Philippine National Police iti ili ti Solsona a mangipaay ti naan-anay a detalya maipanggep iti biktima.
Kabayatanna, inbatad ni Mirasol residente iti nadakamat a lugar a nakigtotda laeng iti napasamak nga insidente.
Innayonna nga adda ti nakitana a uniporme iti police personnel iti lugan ti biktima ken kalikagumna a masukatan ti nadadael a puon ti Marunngay gapu ta daytoy laeng ti pangalalanda ti pammastrekan iti kada aldaw.
