Mario Bautista
VIGAN CITY- Natay iti drayber ti Yamaha Mio motorcycle a ni Sonnyboy Anga-angan Manzano, agtawen iti sangapulo ket siyam, idinto a nadundunor met ti back rider na a ni Mark Angelo Atari Cortado, agtawen iti duapulo ket tallo, agpada a residente ti Barangay Oaig-Daya, Candon City, kalpasan a nakadinnungparda ti Toyota Innova idiay Brgy. San Nicolas, Candon City.
Ti drayber ti Innova ket ni Rodel Amazan Sagun, agtawen iti uppat a pulo ket maysa, mannalon ken residente ti Barangay Marnay Sinait.
Iti pannaki-uman ti Bombo Radyo Vigan kenni PLt. Col. Jayson Nadarisay ti Candon City Police Station, agturong ti Innova iti abagatan a direksiyon idinto nga agpapaamianan met ti motorsiklo ken sinakupna iti sounthbound lane tapno sumrek iti Jollibee ngem ditan a napasamak ti aksidente.
Gapu dayta, naipan ti driver iti motorsiklo iti Candon City Hospital ngem saanen a nakalasat gapu ti tama na iti ulo, idinto ti back rider ket madama pay laeng a matamtaming.
Naipan met ti driver ti Innova ti Ilocos Sur Medical Center gapu iti sinagabana a dunor.
Segun kenni PLt. Col. Nadarisay, agpada a nakainom dagiti driver ti Innova ken motorsiklo.
Innayonna pay a basar kadagiti CCTV Footage, ti motorsiklo ti immagaw iti linya a gapuanan ti aksidente.
