Shiela Guo, kinumpirmaranna a kaduana da Alice ken Wesley Guo a pimmanaw iti Pilipinas
Mario Bautista
Kinumpirmaran ni Shiela Guo a kaduana da Alice ken Wesley Guo a pimmanaw ti pagilian.
Segun ken ni Shiela, nasukonda iti maysa a ban manipod farm idiay Tarlac ken nagbiaheda iti lima nga oras nga agturong iti maysa a lugar nga isun ti naglugananda iti bangka.
Nagbiahe iti bangka ti mano nga oras sakbay nga immakar iti maysa pay a barko a mapapati a fishing ship sakbay nga immakarda iti bangka.
Iti teorya ni NBI Director Jaime Santiago, posible nga idiay Bongao, Tawi-tawi a dimmalan dagiti tallo babaen ti panagluganda ti speed boat a nagbiahe iti uppat agingga innem nga oras a napan idiay Sabah, Malaysia.
Iti biang ti PAOCC, kinuna ni Dir. Winston Casio a naudi a sightings-da ken ni Alice Guo ket iti maysa a resort idiay Emon Pulo idiay Cabanggan, Zambales idi July 14 ket iti impormasyonda, pimmanaw iti resort ti grupo ti mayor babaen ti dua a speed boat.
Segun ken ni Casio, ti simmarunon nga impormasyonda ket addan da Guo idiay Denpesar, Indonesia idi July 17 ken nagturong idiay Malaysia idi Hulyo 18.
Inamin ni Casio a posible nga adda madi ti impormasyonda.
