Mario Bautista
Inallukoy ni dati nga Agriculture Secretary Leonardo Montemayor iti Bureau of Animal Industry (BAI) a suspensoen ti vaccination kadagiti baboy kontra African swine fever ta makukwestyon ti kinatalged ken kinapektibo iti bakuna.
Immapela ni Montemayor kagiddan ti panagsagana iti BAI a mangisayangkat ti controlled trial inton September 2 idiay Batangas.
Segun ken ni Montemayor, ti ASF vaccine a maaramat iti trial ket saan a nakapasa babaen ti National Committee on Biosafety of the Philippines.
Immunan a pinasingkedan ni Agriculture Assistant Secretary Arnel de Mesa a ti panagbakuna kadagiti taraken ket mangrugi inton September 2 ta nakasangpeten iti pagilian ti 10,000 doses a bakuna a nagatang babaen ti emergency procurement.
