![](https://trend.slink.ph/wp-content/uploads/sites/11/2024/07/trump-267x150.jpg)
Desisyon ti US Supreme Court, ibilang dagiti sumagmamano a liberal justice nga arigna nangatngaton ngem iti linteg
![](https://img.bomboradyo.com/laoag/2024/06/trump.jpg)
LAOAG CITY – Kalpasan ti desision ti Supreme Court, ket masapul nga ikeddeng ti trial judge no ana dagiti tignay a naaramid iti kapasidad ni Trump kas presidente, a mabalin a mangbusbos iti sumagmamano a bulan.
Iti post ni dati a United States President Donald Trump iti online account na, ibilangna daytoy a “big win”.
Ngem pinasingkedan ti Supreme Court, nga amin dagiti dati a presidente ket addaan ti partial immunity manipud iti criminal prosecution, no sadinno a ti total immunity ket sakupen dagiti naaramidan ti presidente bayat ti official duty-na, ngem saan a karaman ditoy dagiti “unofficial acts,” iti private capacity.
Maipalagip a babaen kadagiti post na online ken sasao na iti publiko idi Enero 6, 2021, ni Trump ket maipagarup a nanggutigot kadagiti supporters na a mangra-ot iti Kapitolyo ti Estados Unidos.
Ngem inkeddeng ti korte a ti panagbitlana ken ti aktibidadna online iti dayta nga aldaw ket opisyal nga aramid.
Naglikudan met dagiti tallo liberal justices iti desisyon ti Korte Suprema, no sadinno a kinuna ni Justice Sonia Sotomayor, ti Presidente ket arigna nangatngaton ngem iti linteg.