![](https://trend.slink.ph/wp-content/uploads/sites/11/2024/07/2-NARVACAN-267x150.jpg)
Lalaki nga agtawen iti duapulo ket dua, nasarakan a natay
![](https://img.bomboradyo.com/vigan/2024/04/2-NARVACAN.jpg)
VIGAN CITY – Maysa a lalaki ti nasarakan a natay idiay Sitio Limmansangan, Barangay Margaay, Narvacan, Ilocos Sur.
Nabigbig ti natay a ni Christopher Cabrera Cabebe, agtawen iti duapulo ket dua, agnaed iti nasao a lugar.
Maibasar iti imbestigayon, simmangpet ti ama ni Christopher a ni Robert Cabebe iti pagtaenganda idi nakitana nga aglablabutab ti ngiwat ti anakna nga awan puotna iti papagda.
Idi kinitana, natakuatanna a saanen nga agang-anges isu a nagpaarayat kadagiti karrubana ken iti PNP Narvacan.
Naitaray iti ospital ngem naideklarar a dead on arrival.