Ben Madilynn
Naglabas na ng pahayag ang isa sa mga staff na naroon sa kontrobersyal na event sa San Jose, Occidental Mindoro, kung saan nagkausap ang bandang Orange and Lemons at aktres na si Francine Diaz.
Nilinaw ng production staff kung bakit biglang sumulpot sa entablado ang Kapamilya actress na si Francine Diaz habang nasa platform na ang OPM band na Orange at Lemons para mag-perform.
Matatandaan na ang biglaang pag-akyat ni Francine Diaz sa stage ang naging dahilan kung bakit ang mga miyembro ng Orange at Lemons ay napa-walk out sa stage sa gitna ng kanilang paghahanda para sa kanilang performance.
Sa kabila nito, nananatiling cool ang Orange at Lemons at bumalik sila sa stage matapos ang performance ni ngunit hindi sinasadya ng kanilang main vocals ang pagkakataong magsalita patungkol sa biglaang pagsingit ni Francine Diaz.
“Gusto ko lang manghingi ng paumanhin pero kailangan ko lang sabihin ‘to… Para sa mga artista, sana walang sumisingit… Respeto lang ba?” pahayag nito.
Sa pagkalat ng mga video clip mula sa nasabing insidente marami ang naglabasang mga haka-haka sa kung sino ang dapat na sisihin sa nangyari.
Marami ang nagsasabing parehong naging bastos ang dalawang panig dahil sa pananalita rin nila kay Francine Diaz habang nagpi-perform ito.
May mga naniniwala ring dapat ang organizers ang sisihin dahil pinatawag nila ang aktres sa stage kahit naghahanda nang magperform ang Orange and Lemons.
Upang maging malinaw na ang lahat ay naglabas na ng pahayag ang nagpakilalang production staff ng event at isiniwalat ang totoong nangyari.
Ayon sa netizen na si Jershey Kyle Cadiao, naging bahagi na ng production team ng event, ipinagpilitan umano ng manager ni Francine sa mga organizers na paakyatin sa stage ang aktres, binalewala umano nito ang presensya ng Orange and Lemons na naghahanda sa stage nung mga sandali iyon.
“Hindi po namin alam kung sino po ang susundin namin, nasa program po lahat, last na po si ma’am Francine, pero siningit po ng manager ni ma’am Francine na unahin siya kahit hindi po nila nasabihan ang orange & lemon,” pagsisiwalat nito.
Ipinagtanggol din niya ang production team, iginiit niya na nangyari ang resulta ng hindi pagkakaunawaan sa pagitan ng kampo ni Francine Diaz, Orange and Lemons, at ng mga organizer ng event.
“May program po kaming sinusunod, hindi lang po nagkaintindihan ‘yung manager, organizer, at host ng event. Kami po kung ano lang ‘yung sinabi nila ‘yun lang po sinusunod namin, kaya po kahit nagulat kami sa nangyari,” dagdag pa nito.
Iginiit din niya na hindi nila pinabayaan ang kanilang tungkulin at sinubukan pa nilang tanungin ang mga organizers para makakuha ng update tungkol sa programme, pahiwatig na ang paglabas ni Francine sa stage ay talagang biglaan.
