Ben Madilynn
Milampos ang Liloan Police sa pagsikop sa high value individual (HVI) sa dihang gilusad ang buy-bust niadtong alas 8:20 sa gabii niadtong Enero 10 sa Purok Bungaw, Sitio Sulima, Barangay Cotcot, Lungsod sa Liloan.
Ang dinakpan giila sa alyas nga “Pating,” 35, ulitawo, ug ang iyang kakunsabo nga naila sa pangalang Retchan, 30, pulos lumolupyo sa maong lugar.
Si Pating nakuhaan og 5.3 gramos nga gibanabana nga mokantidad og P36,000.
Laing dinakpan nga HVI ang nasignit sa kapulisan sa Dalaguete Municipal Drugs Enforcement Intelligence Police nga gidumala ni Police Major Vincent Zozobrado.
Ang buy-bust gipahigayon naidtong alas 12:45 sa hapon, Enero 10 sa Brgy. Balud, Dalaguete sa dihang gipalitan og usa ka pakete nga shabu ang subject sa nagpaka aron ingnon nga buyer, gamit ang P500. Ang dinakapan naila nga si alyas Nigpis, 34, ang nakuhaan og 10.59 gramos nga gibanabana nga mokantidad ngadto sa kapin sa P72,000. / DVG
