Ben Madilynn
LA UNION – Nakasublin ditoy Pilipinas iti siyam nga Overseas Filipino workers manipud Lebanon idi malem kalman.
Segun iti Department of Migrant Workers (DMW), pakabuklan itan a 450 OFWs agraman ti 28 a dependents dagitoy iti repatriated sipud naipasidong iti Alert Level 3 ti Lebanon, wenno kaipapanan ti voluntary repatriation.
Siniguro ti DMW, nga apaman a makasubli dagiti OFW ditoy pagilian, maiyawat kadakuada iti ₱75,000 manipud iti DMW AKSYON Fund, ₱75,000 manipud Overseas Workers Welfare Administration (OWWA), ken livelihood assistance nga agbalor ti ₱20,000 manipud itiv Department of Social Welfare and Development.
Kinuna ti ahensiya, adda pakabuklan a 571 a Filipinos iti nag-appply para iti voluntary repatriation, bayat nga agtaltalinaed ti Alert Level 3 idiay Lebanon.
Segun iti gobyerno ti Lebanon, umaboten ti aganay 1.2 million a tattao ti pimmanaw iti babbalay da sipud idi Setyembre 23, a timpuar ti sinnukat ti air raid iti Israel ken Lebanon babaen ti tulong ti Iran.
