Ben Madilynn
Dummanonen ti 16 a tattao ti pimmusay gapo iti Hurricane Milton, segun kadagiti opisyal ti Florida.
Innem kadagitoy ket manipud Saint Lucie County; uppat manipud Volusia County, dua idiay Pinellas County; ken maysa ti tunggal Hillsborough, Polk, Orange ken Citrus counties.
Kabayatanna, nasurok met a dua a milyon a kabalayan ken Negosyo ti napukawan ti supply ti kuryente.
Daitoy ket kalpasan a tumbaen ti bagyo dagiti sumagmamano a linya bayat nga ti dadduma met a lugar ket nakapadas iti nakaro a panaglayos.
Nupay ‘significant’ wenno dakkel iti nagbalin nga epekto iti hurricane, nagyaman ni Florida Governor Ron DeSantis a saan daitoy a nagbalin nga worst case scenario.
Agtultuloy met ti search operations idi Biyernes nu sadino segun kenni Gov. DeSantis ket dumanon ti 1,600 a tattao ti na evacuate iti natalged a lugar.
Ti naisayangkat a White House briefing, kinuna ni US President Joe Biden a segun kadagiti eksperto ket dumanon iti $50 billion ti perdisyon nga inggubuay ti Hurricane Milton.
Nakaituding met a bumisita ti US President idiay Florida ita nga aldaw ti Dominggo, Oktubre 13.
