abyasa
LAOAG CITY – Inpakaammo ni Atty. Joel Gines, Provincial Election Officer a manamnama nga agingga inton Nobiembre ti panangi-upload-da iti website dagiti Certificate of Candidacy dagiti kandidato a nagpaidasig para iti 2025 Midterm Elections.
Segun kenkuana, daytoy ti umuna a gundaway nga aramiden ti Commission on Elections ti nasao a wagas tapno maliklikan dagiti agkandidato a saan a pudno a Pilipino.
Inbatadna a nalpasen a naakomodar ti Region 1, 2, 3, 4 ken Cordillera Administrative Region ti pannakaipasa ti Certificate of Candidacy iti Central Office.
Inlawlawagna nga inton Oktubre 15 ti naikeddeng a deadline wenno maudi nga aldaw ti panangipasada daytoy.
Innayonna a saanna a masinunuo no adda dagiti madiskualipikar a kandidato agingga nga awan ti maawatda a petition for disqualification.
Kabayatanna, naammoan a ti sumaruno nga aramiden ti Commission on Elections ket ti pannakapublikar dagiti Certificate of Candidacy dagiti kandidato.
