abyasa
LAOAG CITY – Inpakaammo ni P/Maj. Sheryl Guzman, pannakangiwat ti Ilocos Norte Police Provincial Office nga adda laengen 49 a barangay ti saan pay a naideklara a drug cleared ditoy probinsia.
Segun kenkuana, agarup 91 a porsiento a drug cleared ditoy probinsia no sadinno a mangnamnamada a magun-od ti drug free province inton sumaruno a tawen.
Inbatadna nga agtultuloy ti monitoring-da kadagiti Persons With Used Drugs no sadinno a rumbeng dagitoy a dumalan iti rehabilitation program iti uneg ti walo a bulan iti Bahay Silangan.
Inlawlawagna a saan a maapektaran ti drug clearing operation ti nailian a pulisia agingga inton tawen 2025.
Innayonna a ti kaadduan a barangay a saan pay a naideklara a drug cleared ket ditoy siudad ti Laoag no sadinno nga adda pay ti 39.
