Pres. Marcos, impatangkenna nga inaramidda amin tapno isalakan ti nabitay a Pilipino idiay Saudi
Mario Bautista
Impatangken ni President Ferdinand Marcos Jr. nga inaramid amin iti gobierno tapno maisalbar ti Pilipino a nabitay idiay Saudi Arabia.
Naamoan a nasentensyaan ti dusa a patay ti maysa a Pilipino a nakapatay iti Saudi national a mapapati a nagtaud iti personal a riri.
Segun ti presidente, uray limitado dagiti option ket impadas iti gobierno iti amin a wagas tapno masalbar ti Pilipino wenno maibabbaba iti pannusana.
Umabot iti lima agingga innem a tawen a sinimpa iti gobierno ti kaso ngem nainget ti linteg idiay Saudi.
Kabayatanna, nakipagladingit ti presidente iti pamilia ti death convict.
