abyasa
LAOAG CITY – Natay kalpasan a napaltu-paltugan ti mayor iti ciudad ti Chilpancingo idiay Mexico.
Nakita laengen ti bangkay ni Mayor Alejandro Arcos iti ciudad ti Chilpancingo nga addaan ti 280,000 a populasyon iti estado ti Guerrero.
Ni Arcos ket innem nga aldaw na paylaeng a nagtugaw kas mayor iti nasao a ciudad.
Inrakurak ni State Governor Evelyn Salgado ti panagladladingit ti sibubukel nga estado iti pannakapapatay ti mayor.
Maipalagip a ti pannakapapatay ni Mayor Arcos ket napasamak tallo nga aldaw kalpasan ti pannakapaltu-paltog a poon ti nakatayan ti baro a sekretaryo ti City Government a ni Francisco Tapia.
Agpapan ita ket saan pay a nangiparuk-at dagiti otoridad ti detalye iti imbestigasyon wenno dagiti suspek, ngem ti estado ti Guerrero ket maysa kadagiti maibilang a karisgoan nga apektado nga estado para iti drug violence ken drug cartels no sadinno a dinosdosenan dagiti pulitiko a napapatay iti intero a pagilian.
