Cong. Sandro Marcos, pormalen a nagipila ti kandidaturana iti kina-diputado para iti umuna a distrito ditoy probinsia; First Lady Liza Marcos, suportaranna no siasinnoman ti suportaran ti anak na
abyasa
LAOAG CITY – Pormalen a nangipila ti Certificate of Candidacy ni Ilocos Norte 1st District Rep. Sandro Marcos iti kina-diputado para iti umuna a distrito ditoy probinsia para iti mapaspasangasangan a 2025 Midterm Elections.
Kadua ti Presidential Son ti amana a ni Presidente Ferdinand Bongbong Marcos Jr., ti inana a ni First Lady Liza Araneta Marcos, ti kasinsin na a ni Gov. Matthew Marcos-Manotoc, Vice Governor Cecilia Araneta-Marcos, Congressman Angelo Marcos-Barba ken ni Paolo Bediones.
Basar iti obserbasion ti Bombo Radyo Laoag News Team ket immadu dagiti kameng ti pulisia a naiwaras iti aglawlaw ti Commission on Elections kageddan ti panangipila ti kandidatura ni Cong. Marcos.
Kabayatanna, sakbay ti panagipila ni Cong. Sandro ket immun-una a nagipila ni Ilocos Norte Second District Congressman Angelo Marcos-Barba iti kina-diputado para iti maikadwa a distrito.
Kagiddan iti daytoy, inpakaammu met ni First Lady Liza Araneta-Marcos a suportaranna ti siassinnoman a suportaran ti anak na a ni Cong. Marcos.
Maipalagip nga immunan a nga inyendorsar ti pamilya Marcos da Sang. Panlungsod Bryan Alcid nga agpailyon kas Mayor ken ni Sang. Panlungsod Handy Lao nga agpailyon met kas Bise Mayor ditoy ciudad ti Laoag.
