abyasa
LAOAG CITY – Mamati ti Department of Agriculture a naan-anayen a bumaba ti presio ti bagas kadagiti sumaruno nga aldaw.
Segun ken ni Department of Agriculture Assistant Secretary ken Spokesperson Arnel De Mesa, daytoy ket gapu ta mariknan ti kinissayan a taripa kadagiti imported a bagas.
Naammoan a dagiti sumagmamano a rason ket ti panaglukay ti India ti rice exports-da ken ti agtultuloy a panawen ti panagaapit ditoy pagilian.
Inlawlawagna nga amin dagiti nadakamat a rason ket isu ti mangipaay ti napintas nga epekto iti merkado.
Immunan nga inbatad ti Department of Agriculture a ti panagkissay ti taripa ket makakissay ti presio kadagiti bagas.
Kabayatanna, karaman pay a mangipababa ti presio ket ti baro a pirma a linteg nga Anti-Agricultural Economic Sabotage Act.
