Alice Guo posible a ma-disqualify iti mayoralty bid, malaksid nu makaala ti TRO – Comelec
Ben Madilynn
LA UNION – Posible a ma-disqualify iti mayoralty bid ti naikkat a Bamban Mayor a ni Alice Guo, malaksid nu makaala ti temporary restraining order (TRO).
Daytoy iti inwaragawag ti Commission on Elections (Comelec).
Segun iti Comelec, awaten da iti certificate of candidacy ni sigud a Bamban Mayor Alice Guo.
Inlawlawag ni Comelec Chairman George Garcia, adda dagiti grounds para iti disqualification.
Kabilang kunana a grounds for disqualification ket…. panangideklara a nuisance candidate, petition seeking to cancel the COC gaputi edad ken citizenship, ken iti Ombudman’s decision a nangipataw ti perpetual disqualification from holding public office.
Immunan nga imbaga ni Comelec spokesperson John Rex Laudiangco nga awan ti bileg iti poll body a dagus a kanselaren iti COC ni Guo agsipudta mangnamnama da iti desisyon ti Ombudsman.
Idi Biyernes, imbaga ni Stephen David, iti legal counsel ni Guo, a ti na-dismiss a mayor ti Bamban ket mangidatag ti COC na inton bigat, Martes, iti maudi nga aldaw iti panagipila ti kandidatura para iti May 2025 midterm elections.
Ni Guo ket sumangsango iti kaso a graft, qualified human trafficking, money laundering, ken tax evasion gapu iti maipagarop a pannakairamanna iti Philippines Offshore Gaming Operator (POGO) hub idiay Bamban.
Iti agdana, nakabalud ni Guo idiay Pasig City Jail.
Naikkat ni Guo iti pwesto kas Bamban mayor idi bulan ti Agosto.
Kinanselar metten ti Department of Foreign Affairs iti Philippine passport gaputa iti biometrics na ket nag-match iti Chinese passport holder a ni Guo Hua Ping maibasar iti files ti National Bureau of Investigation (NBI).
