VM Alwyn Rubio, nangipilan ti COC-na iti kina-Mayor iti ili ti Badoc; Konsehal Glen Cajigal, nagpaidasig para iti Bise Mayor
abyasa
LAOAG CITY – Pormalen a nangipila ti Certificate of Candidacy da Vice Mayor Alwyn Rubio iti kina-Mayor iti ili ti Badoc ken Konsehal Glen Cajigal para iti Bise Mayor iti nasao nga ili.
Naggeddan dagitoy a nagturong iti Commission on Elections iti ili ti Badoc kaduana dagiti dadduma pay a kandidato nga agpailayon kas Konsehal.
Naobserbaran ti Bombo Radyo Laoag News Team nga agpapada dagitoy a nagisuot ti nalabbaga a bado.
Malaksid iti daytoy, nangipila ti kandidatura ni Mr. Jeremy Ver Fajardo iti kina-Mayor iti ili ti Sarrat idinto a nagpaidasig kas Bise Mayor ni Atty. Edito Alberto Balintona.
Kabayatanna, segun ken ni Atty. Joel Gines, Provincial Election Officer a bayat a maisursurat daytoy a damag ket adda ti pito a nangipila ti kandidaturana iti kina-Bokal iti umuna a distrito idinto nga adda ti innem a para Bokal iti maikadua a distrito.
