Ben Madilynn
Natiliw ti maysa a lalaki kalpasan a nangitunda iti wildfire ti panangpadasna nga i-cremate ti natay nga aso-na idiay Estados Unidos.
Napasamak ti wildfire idi Agosto 1, iti agdama a tawen.
Maibasar iti imbesigasyon dagiti otoridad, naduktalan ti a nauram ti kagudwa a bagi ti aso.
Nagbalin daytoy a lead tapno maduktalan ti nagaramid iti nasao nga insidente.
Kabayatanna, nakalanad iti court records nga impurwak ti lalaki ti maysa nga spray can iti apoy rason a bimtak daytoy ken naiwaras ti apoy nga asideg iti kayo.
Sigun met iti arrest affidavit, imbilin ti Colorado court ti panaka-euthanize ti pimmusay nga aso gapu ta naki-apa daytoy iti maysa pay nga aso.
Naamwan pay nga agnanaed ti suspek iti maysa a camper van nga asideg iti nakapasamakan ti uram.
Nauram ti 28-square-kilometer private property pakairamanan ti maysa a cabin nu sadino dumanon iti P11-million ti danyos dagiti nauram.
Napilaan metten ti kaso nga arson ken trespassing ti lalaki idi napalabas a bulan.
