Mario Bautista
Kayat ni Senador Sherwin Gatchalian a mairaman dagiti pampubliko a pagadalan ti libre a wifi program iti gobierno para iti eepektibo a roll-out ken masigurado ti Internel connectivity iti pampubliko a lugar iti pagilian.
Dayta ti imbaga ni Gatchalian iti Department of Information and Communications Technology (DICT) bayat ti budget briefing iti departamento ken attached agencies inaig ti implementasyon iti programa.
Ti inisyal a target iti DICT ket ag-install iti libre a Wi-Fi iti 125,000 a pampubliko a lugar ngem agingga ita ket 6,700 public places pay laeng iti naikkan wenno 13,000 ti access points-na.
Segun ken ni DICT Undersecretary Jeffrey Ian Dy, ti pannakaipatungpal ti libre a Wi-Fi program babaen ti subscription iti 125,000 public places ket posible a saan a masustenar ta masapul ti P58 billion kada tawen.
Inlawlawag ti DICT official a kitkitaenda pay laeng iti nalaklaka a pannakaipatungpal ti libre a Wi-Fi program ken kitkitaendan iti posibilidad a pannakikammayet iti telecommunication companies tapno mabigbig dagiti site para ti construction dagiti baro a cell site kangrunaan ti geographically isolated and disadvantaged areas.
