Lima a komite idiay Kamara, nagsanib-pwersa tapno imbestigaran dagiti kaso ti smuggling, hoarding, ken manipulasyon iti presyo kadagiti kangrunaan a magagatang
Ben Madilynn
Pinatibker ti Kamara ti House Resolution 2036 a mangbukel iti quinta committee wenno lima a komite a pakairamanan ti Ways and Means, Trade and Industry, Agriculture and Food, Social Services ken Special Committee on Food Security.
Nakaipasidong iti resolusion ti panangipamaysa ti lima a komite iti pannakidangadang dagiti ahensia ti gobierno kontra iti smuggling, hoarding, panangmanipula iti presio, panangtaming iti bisin, ken panangitandudo iti seguridad ti taraon ken nutrision.
Ni House Tax Chief Albay 2nd District Representative Joey Salceda ti mangidaulo iti pannakadengngeg ti quinta committee.
Segun kenni Salceda, saan nga investigative ti kurso ti hearing ti quinta committee no di ket informative panggepan a maiingasing dagiti policy objectives pakairamanan ti nalaka a bagas, karne, ikan, kasta met iti nalaka a prutas ken nateng.
Dinakamat ni Salceda a sumaruno nga ipamaysa ti quinta committee ti isyu ti nalaka a balay, nalaka nga agas, nalaka a langis, nalaka a koriente ken nalaka a padanum.
Plano pay ti quinta committee ti mangayab kadagiti eksperto ken kangrunaan a resource persons manipud iti sektor ti agrikultura, ekonomista ken pannakabagi dagiti civil society organizations, ken think-tanks.
