VM Rey Carlos Fariñas, pormalen a nangipila ti COC-na iti kina-Bise Mayor ditoy siudad ti Laoag
abyasa
LAOAG CITY – Pormalen a nangipila ti Certificate of Candidacy ni Vice Mayor Rey Carlos Fariñas iti kina-Bise Mayor ditoy siudad ti Laoag para iti mapaspasangasangan a 2025 Midterm Elections.
Kaduana a napan nangipila ti kandidaturana ti pamiliana pakairamanan ti amana a ni dati a Cong. Rudy Fariñas.
Mainaig iti daytoy, inlawlawag ni dati a Cong. Fariñas nga awan ti planona nga agpailayon iti aniaman a posision iti masungad nga eleksion.
Maipalagip nga immunan a nangipila ti Certificate of Candidacy da Konsehal Jason Perera, Konsehal John Michael Fariñas ken Konsehal Jeff Fariñas.
Kabayatanna, basar iti Provincial Commission on Elections ket pormal metten a nangipila ti Certificate of Candidacy da Konsehal RJ Fariñas ken Sangguniang Panlalawigan Member Rodolfo Christian Fariñas III nga agpada nga agpaidasig iti kina-Bokal.
