DFA, nakaalerto iti mabalin a pangta idiay middle east kagiddan ti anibersario ti October 7 Hamas attack idiay Israel
Mario Bautista
Nakaalerto ti Department of Foreign Affairs para iti aniaman a baro a pangta iti seguridad idiay Middle East sakbay ti umuna nga anibersario ti October 7 attack ti militante a grupo a Hamas idiay Israel, a rason iti agtultuloy a conflict idiay Gaza.
Inallukoy pay ni DFA Assistant Secretary Marlo Miranda dagiti Pilipino iti rehion nga agtalinaedda a naridam ken kanayon nga i-check iti embahada ti Pilipinas para kadagiti latest advisories.
Ngem patien ni De Vega a kabaelan ti Israel a salakniban ti pagilianda, kasta met dagiti 30,000 a Pilipino nga agnanaed ti nasao a pagilian manipud iti posible a panagatake.
