Pa gamay-gamay lang nga Mansanitas

Nagtuo ko sa una nga kining mansanitas pagkaon ra sa mga ihas nga mga langgam kay nagkatag ra man ni og tubo bisag-asa. 

Wa ko masayod nga daghan ug dako diay kaayo ni og matabang labi na sa atong panlawas. 

Kining mansanitas nga sa iningles gitawag og Kerson fruit , usa ka klase nga berry nga ang histsura murag gagmay nga mansanas. Kusog og dali kaayo ning modaghan tungod sa gidaghanon sa ilang liso unya ang puhoan ini makahatag sab og landong nga kapasilungan. Mamunga sab kini og de-color nga morag Christmas tree, dunay pula, yellow, orange og green,

Matod sa Health and Lifestyle nga sinuwat ni Dianne Labrien, kining mosunod maoy mga benepisyo nga mahatag sa pagamay-gamay lang nga mansanitas. 

Kining mansanitas usa ka natural nga antibiotic nga mo away sa staph, intestinal bacteria, sepsis og diphtheria. Ang mga kagaw nagka-anam na og ka mangtas kay mi-mutate na unya di na madutlan sa mga naandang antibiotics .

Gawas ini, taas sab og Vitamin C. Ang 100 ka buok nga mansanitas dunay 150 grams nga vitamin C. Dako kini og alibyo sa gipang sip-on ug flu unya taas sab ni og anti-oxidants.

Makatabang sab kini sa naay Gout, usa ka klasing arthritis tungod sa ka taas sa uric acid sulod sa lawas unya di kaayo tig- inom og tubig ang tagtungod. Kung mokaon ka ini ka 3 kada adlaw, makatabang kini pawala sa sakit nga pamati tungod sa gout.

Pawala sab kini sa labad sa ulo tungod sa blood vessel constriction. Ang mansanitas makapa-relax sa ugat-ugat para makadaloy og normal balik ang dugo.

Sa mga diabetic patients,  makatabang sab kini  paubos sa blood sugar. Ang uban ini himoon nilang juice para mapungan ang pagtaas sa kamay sa lawas.

Daghan sab kini og importanting nutrients sama sa fiber, iron, protein, Vitamin B, calcium ug phosphorous.

Sa ubang nasod himuon nila ang mansanitas og jam  ug jellies . Ang uban sab isagol nila sa ilang mga cakes ug pastries. Pero ang pinaka-masustansiya mao ang pagkaon ini nga presko gikan sa punoan.