abyasa
LAOAG CITY – Inpasigurado ni Mr. Gervy James Gumarit, mangidadaulo iti Communications and Media Office ti Provincial Government of Ilocos Norte a pinalen iti Oktubre 8 a pannakaiwayat ti State of the Provincial Address ni Gov. Matthew Marcos Manotoc ditoy probinsia ti Ilocos Norte.
Daytoy ket kalpasan a namindua a daras a naitantan ti nadakamt nga aktibidad gapu iti dakes a sasaaden ti panawen.
Segune kenkuana, nakasaganan ti Centennial Arena ditoy siudad ti Laoag a pakaiwayatan ti State of the Provincial Address.
Kinunana a daytoy ti nagbalin a decision ti gobierno ptobinsial kalpasan a naobserbaranda a saan pay a naan-anay a nakarekobre dagiti umili ditoy probinsia gapu iti iduduprak ti Bagyo Julian.
Kabayatanna, maigiddan ti pannakaiwayat ti mauda a Certificate of Candidacy inton Oktubre 8 ket namnamaenna nga amin nga opisiales ditoy probinsia ket umatendar iti nasao nga aktibidad.
