Ben Madilynn
Nagballaag manen ti Department of Foreign Affairs kadagiti amin a Pilipino nga adda sadiay Lebanon maipapan iti repatriaton program ti pagilian.
Daytoy ket gapu ta posible a kumaro pay ti mapaspasamak a giyera sadiay.
Maibasar iti pablaak, makita ti panangipatayab ti Iran iti 180 a ballistic missiles sadiay Israel kas panangsuportada iti Hezbollah sadiay Lebanon.
Gapu iti dayta, posible nga agbales ti pagilian nga Israel, rason a posible nga agbalin a nabara ti tensyon sadiay Middle East.
Kabayatanna, impakaammo ti Department of Foreign Affairs nga awan ti panggepda a mangingato iti alert status sadiay Lebanon iti laksid ti mapaspasamak a tensyon.
Sigun kenni Department of Foreign Affairs- Office of Middle East and African Affairs (OMEAA) Deputy Assistant Secretary Marlowe Miranda, saan nga agbalin nga Alert level 4 ti kasasaad sadiay wenno ti kangatoan a level a mangipaspasimudaag iti mandatory repatriation.
Nu pay kasta, nainget ti ipatpatungpal ti Philippine embassy sadiay Beirut para iti repatriation dagiti Pilipino.
Maipalagip nga idi napalabas a lawas ket ado kadagiti Pilipino ti saan a makin kayat nga agsubli iti pagilian nu sadino mas pilienda nga agnaed sadiay kaysa ti agsubli iti pagilian a mabisinan.
