DepEd, paim-imbestigaranna ti panangrames ti Principal iti maysa a pagadalan idiay Quezon City
abyasa
LAOAG CITY – Inbilin ni Department of Education (DepEd) Secretary Sonny Angara ti naun-uneg nga imbestigasion iti reklamo a sexual harrasment kontra iti maysa nga School Principal iti siudad ti Quezon.
Segun iti sekretario a manarimaanen ti pannakaiwayat ti imbestigasion manipud iti Schools Division Office ti Quezon City.
Inbatadna a dagusda a tulungan dagiti naabuso a biktima no sadinno a maipadalanda iti counseling pakairamanan dagiti nagannakda.
Maipalagip nga idi Setiembre 29 ket naarestar ti Principal gapu iti reklamo a panangrames ti uppat a Grade 10 students.
