abyasa
LAOAG CITY – Pormalen a nangipila ti Certificate of Candidacy ni Mayor Mike Hernando iti kina-Mayor iti ili ti San Nicolas para iti masungad a 2025 Midterm Elections.
Malaksid kenkuana, nangipila pay ti kandidaturana da Vice Mayor Napoleon Hernando ken dagiti sumagmamano a Konsehal.
Naammoan a dagiti maseknan nga agpaidasig ket isuda dati a Konsehal Efren Bucay, Cesar Agustin, Resty Ulep, Luciano Caraang, Eric Ruiz ken dadduma pay.
Mainaig iti daytoy, kinadua isuda dagiti mangsupsuporta kadakuada a Kapitan manipud kadagiti nagduduma a barangay iti intero nga ili ti San Nicolas.
Kabayatanna, bayat a maisursurat daytoy a damag ket saan pay a nangipila ti Certificate of Candidacy-na ti dati a TV Host a ni Paolo Barba Bediones nga immunan a nangirakurak nga agpaidasig kas Mayor iti ili ti San Nicolas inton eleksion.
