abyasa
LAOAG CITY – Naitantan ti pannakaiyuswat ti Committee Hearing maipanggep iti Truck Ban ditoy siudad ti Laoag gapu iti napasaran a Bagyo Julian.
Daytoy ket kalpasan a kalikagum ti Sangguniang Panlungsod a maipatungpal ti Truck Ban wenno ti saan a pannakaipalubos a dumalyasat dagiti truck kadagiti national highway.
Segun ken ni Konsehal James Bryan Alcid, Chairman ti Committee on Transportation, gagemna a maipatungpal ti Truck Ban gapu ta maibasar iti nagbalin nga obserbasionna ket adu dagiti truck a naka-parking kadagiti saan nga umiso a lugar ditoy siudad ti Laoag.
Inlawlawagna a no bilang maipasa ti nasao a gakat ket adda ti maaramid nga iskedyul a mabalin a dumalyasat dagiti truck ditoy siudad ti Laoag.
