Mario Bautista
Bumisita ditoy Pilipinas ni Republic of Korea (ROK) President Yoon Suk Yeol inton bigat, Oktubre 6 agingga 7.
Da Yoon ken First Lady Kim Keon Hee ket personal a sabaten ni Presidente Ferdinand Marcos Jr. ken First Lady Louise Araneta-Marcos idiay Malacañang.
Ti isasarungkar ni Presidente Yoon ket maigiddan iti maika-75 nga anibersario ti pannakaipasdek ti diplomatiko a relasion iti nagbaetan ti dua a pagilian idi March 1949.
Adda bilateral meeting dagiti dua a lider tapno pagsasaritaan dagiti lugar a paginteresan ti tunggal maysa, kas iti political cooperation, security and defense, maritime, economic and development, people-to-people relations, kasta met dagiti labor ken consular matters.
Ti panagbisita ni President Yoon ti umuna nga standalone bilateral visit ti Republic of Korea President iti Pilipinas sipud idi 2011.
