abyasa
LAOAG CITY – Naragsak nga inpakaammo iti publiko dagiti agasawa a Cong TV ken Viy Cortez a maaddaan dan ti maikadwa nga anak.
Ti internet-famous couple ket inburay da ti napintas a damag iti Instagram kagiddan ti panangipabuya da ti video da a pamilya.
Karaman iti video ket ti anak da Cong TV ken Viy a ni Kidlat a nakasuot ti t-shirt nga adda ti nakasuarat a “big brother.”
Dagus a naglayos ti panangablaaw kadagiti agasawa manipod kadagiti papagayam da iti showbiz, karaman ditoy da Dani Barretto ken Lovely Abella.
Maipalagip a da Viy ken Cong ket nagkasar laeng idi Hunyo ita a tawen ngem addan ti sumagmamano a tawen nga agdendenna da.
Inpasngay met ni Viy ni Kidlat idi 2022, ken iti dayta metlaeng a tawen ket nag-proposed kenkuana ni Cong para iti panagkasar dan.
