Ben Madilynn
Nangibati ti dakkel a perdisyon ti sektor ti agrikultura iti panagduprak ti Bagyong Julian ditoy Pilipinas.
Maibasar iti damage assessment ti Department of Agriculture, dumanonen iti P36.34 million ti gatad dagiti nadadael a mula manipud iti 577 ektarya nga agricultural areas iti Ilocos Region ken Cagayan valley.
Malaksid iti daitoy, apektado pay ti pagbiagan ti agingga 1,000 a mannalon.
Kas tulong ket nangisagana iti Department of Agriculture ti P143.26 million a gatad ti bigas, bin-i ti mais ken kadagiti gulay a maiwaras kadagiti apektado a mannalon.
Kabayatanna, nakabantay met ti ahensiya ti presyo dagiti agricultural commodities para iti possible a panagngato da iti kangitingitan ti perdisyon a nagun-od ti sektor ti agrikultura gapo iti agarop agsasaruno a panagduprak dagiti bagyo ditoy Pilipinas.
Kasta met nga iti agdama ket agtultuloy latta a makapadpadas ti dakes a paniempo ti makin-amianan a paset ti pagilian kalpasan a nagsubli ti Philippine Area of Responsibility ti Bagyong Julian, bigat ti Huwebes.
