abyasa
LAOAG CITY – Natay dagiti innem a migrant kalpasan a pinaltogan dagiti soldado idiay Mexico ti nagluganan dagiti 33 a tattao nga agbibiahe agturong iti abagatan paset ti nasao a pagilian.
Kinuna ti Mexican defense ministry a sabali pay dagiti 10 a migrants a nasugatan iti insidente.
Iti palawag dagiti otoridad a nakalugan iti military patrol, nakita da ti pick-up vehicle dagiti migrant a naka-high speed, ngem idi sadaen da kuma daytoy ket saan da a nagsardeng .
Apaman ti napasamak ket ditoy a pinaltugan dagiti otoridad ti nagluganan dagiti maseknan.
Insigida met a naikkat dagiti otoridad iti serbisyo.
Kabayatanna, naammuan a makapaspasar ti Mexico ti pannakadanag gapu ta adda posibilidad nga umakar dagiti migrants iti America.
