Ben Madilynn
Patay ang usa ka mananagat human nakaangkon og grabing paso sa nagkadaiyang bahin sa lawas sa dihang naigo sa kilat samtang nanagat niadtong pasado alas 11 sa gabii, Miyerkules, Oktubre 2, 2024 sa Barangay Gairan, Dakbayan sa Bogo, Sugbo.
Ang biktima giila nga si Tirso Frias Mandaue, 53, adunay kapuyo ug taga Purok Asinan, Brgy. Sambag, Siyudad sa Bogo.
Base sa imbestigasyon sa Bogo City Police Station nga gipahibawo sila nga adunay tawo nga napalgan nga naghayang sa iyang sakayan nga giingong patay na.
Usa ka Lyndon Fernandez, 50 ang nanagat sab niadtong higayona ang unang nakadiskubre ni Mandaue nga wa na maglihok ug naghayang sa gisakyan nga baruto.
Giguyod ni Fernandez ang baruto sa bikitma paingon sa baybayon ug nangayo og pakitabang.
Gidala pa sa Cebu Provincial Hospital ang maong mananagat apan gideklarar nga patay na ug way nakita nga foul play sa iyang kamatayon. / DVG, GPL
