abyasa
LAOAG CITY –Natay ti innem nga indibudual ken walo ti nasugatan iti panangraut ti eroplano ti Israel iti maysa a pasdek iti Beirut.
Daytoy ti impasimudaag dagiti opisial ti Lebanon kabayatan ti kumarkaru a tension.
Segun iti militar ti Israel puntirya da dagiti multi-storey block idiay Bachoura, no sadinno a dagitoy ket Hezbollah-affiliated health center.
Daytoy ti umuna a pananraut ti Israel iti sentro ti Beirut, sumagmamano laeng a metro ti kaadayona manipud iti parlamento ti Lebanon.
Ti kumarkaro a tension ket kalpasan nga imbatad ti Israel Defence Forces (IDF) a walo a soldado ti napapatay iti abagatan a paset ti Lebanon, no sadinno a daytoy ti maibilang kas kaunaan a pannakaabakda sipud idi nangrugi ti ground operations kontra iti armado a grupo a Hezbollah a supsuportaran ti Iran.
Kinuna ti Hezbollah, dinadaelda dagiti tangke ti Israel bayat ti pannakidangadang ken inpasigurado na nga addaan da ti umdas nga armas.
Sakbay iti daytoy, maipalagip nga inpakaammu ti Israel Defence Forces nga ad-adu pay nga infantry ken armored troops ti nakikadua iti operasion nga agkalikagom a mangrakrak iti inawaganda nga “terrorist infrastructure” kadagiti beddeng ti Lebanon.
