Bilang ti Vehicular accidents ditoy ciudad ti Laoag sipud Enero-Setyembre ita a tawen, umabot iti 495 – DPS
abyasa
LAOAG CITY – Umabot iti 495 ti bilang dagiti nairekord a vehicular accident ditoy ciudad ti Laoag sipud idi Enero ita a tawen agingga iti setyembre.
Basar iti datos ti Department of Public Safety, umab-abot iti lima a vehicular accident ti mairekrekord ditoy ciudad iti kada aldaw.
Nairekord ti bolan Agosto ita a tawen a kaadoan ti napasamak a vehicular accident nga umabot iti 70, sumaruno iti setyembre a 63.
Naamoan a ti kangrunaan nga aldaw a pannakapasamak dagiti nairekord nga insidente ket iti biernes ken sabado.
Kaadoan met kadagiti karaman kadagiti napasamak a disgrasya ket nakainom ti nasanger ken dagitoy ket nakamotorsiklo.
