Media ditoy Region 1 a pakairamanan ti Bombo Radyo La Union, umat-atendar iti 3-day orientation ti DOH seknan iti responsible suicide reporting
Ben Madilynn
LA UNION – Umat-atendar iti tallo-aldaw nga ORIENTATION ON RESPONSIBLE AND ETHICAL SUICIDE REPORTING ti Dept. Of Health wenno DOH- Ilocos Center for Health Development, dagiti amin a media iti intero a Region a pakaibilangan ti Bombo Radyo La Union ken sumagmamano a content creators.
Iti topiko a natalantan iti maikadwa nga aldaw nga orientation ket napaulwan ti Suicide Awareness: Risk Factors and Warning Signs and Responsible and Ethical Reporting of Suicide -Related Content in the Media.
Mainaig ti daytoy, nagpalagip ti DOH ken dagiti mental health experts maipapan iti suicide incidents tapnu maliklikan ken makatulong iti media para iti pannakaibaba iti kaso ti panag-suicide.
Maysa iti panagsuicide a pakatkatayan ti tao gapu iti nagduduma a rason.
Ngem inlawlawag dagiti mental health experts kadagiti kameng ti media a rebbeng a maipaka-awat kadagiti dumdumngeg ken agbuybuya a saan nga amin nga indibiduwal nga addan ti mental illness ket apektado ti suicidal thoughts, kasta met nga saan nga amin nga tao nga agpanggep nga ag-suicide ket addaan ti mental illness.
Karaman pay nga imbinglay dagiti experto ket iti listening and offering emotional support a makatulong kadagiti suicidal person.
Paset pay iti nasao nga aktibidad ti panagbalin a responsable kadagiti impormasyon dagiti biktima ti suicide, uray dagiti ladawan nga maus-usar, gaputa mabalin a makaapektar dagitoy kadagiti tattao nangruna kadagiti addaan parikot.
Naisuro pay kadagiti media practitioners dagiti terminologies a nasken a mausar nu mayipanggep iti suicide.
Iti nasao nga Orientation ti DOH Region 1, ket nangrugi idi kalman Oktubre 2 ken agpatingga inton bigat, Oktubre-4, 2024.
