Maysa a senatorial aspirant, nagballaag nga ilunod na iti Comelec nu maideklara manen isuna a nuisance candidate!
Ben Madilynn
LA UNION – Siniguro ti Commission on Elections a kitaen da a naimbag dagiti mangipil-pila ti kandidatura na.
Segun kenni Comelec spokesperson Atty. John Rex Laudiangco, siripen ti komisyon dagiti agbetbetla nga aspirants iti 2025 elections, nangruna dagiti siguden a naideklara a nuisance candidate.
Nasalodsod kenni Laudiangco nu karaman iti mental capacity dagiti aspirant nga i-examine ti Comelec, kinuna na a rumbeng nga ikonsulta daytoy kadagiti eksperto.
Idi kalman, nangidatag manen ti kandidatura na iti kina-senador ni Betsaida Lopez.
Ni Lopez ket indeklara ti Comelec a nuisance candidate idi napalabas nga eleksyon.
Nagpangta pay ni Lopez, a nu saan manen nga ipalubos ti poll body a tumaray iti sumaruno a tawen, ilunod na amin nga involved iti pannaka-diskuwalipika na.
Maibasar iti Comelec Rules of Procedure Part V, Rule 24, siasinuman a kandidato a madakamat nga awanan ti bona fide intention a tumaray iti public office, ken isuda ti mangikabil ti election process iti “mockery or disrepute or to cause confusion among the voters by the similarity of the names of the registered candidates or who by other acts or circumstances.” ket dagitoy ti grounds tapno iti maysa nga aspirant ket maideklara kas nuisance candidate ken paka-kanselaran ti certificate of candidacy.
Idi napan a lawas, ingkari ti Comelec a resolbaren na dagiti kaso dagiti nuisance candidates para iti 2025 midterm elections agingga agtapos ti Nobyembre ita a tawen.
