Provincial Supervisor iti COMELEC – Benguet, nagpalagip a saan a panawen ita ti panangipila iti Certificate of Candidacy para iti Barangay ken SK Elections
Ben Madilynn
BAGUIO CITY – Nagpalagip ni Atty. Elenita Julia Tabangin-Capuyan, Provincial Supervisor iti COMELEC – Benguet a saan a panawen ita ti panangipila iti Certificate of Candidacy para iti Barangay ken SK Elections.
Daytoy ket gapu ta adda ti nagturong sadiay a Kagawad iti certain barangay a mangipila iti Certificate of Candidacy-na.
Kinunana nga inton December 2025 paylaeng ti sumaruno a Barangay ken SK elections.
Inlawlawagna a saan nga advance daytoy a panangipila iti Certificate of Candidacy ken manual ti elections inton sumaruno a tawen.
