Ben Madilynn
Pinirmaanen kas linteg ni Presidente Ferdinand Bongbong Marcos idi Kalman ti RA 12023 wenno Value Added Tax on Digital Services Law.
Kayat na a satwen, masingir itan ti 12% a buwis kadagiti foreign digital service provider a mangidiaya ti digital services kas kadagiti digital media, digital music, digital video, video on demand ken digital advertising.
Iti panagbitla na, inlawlawag ni Presidente Marcos a saan daitoy nga agpabayad ti baro a buis nu di ket papapigsaen lang ti otoridad ken mapalaka ti proseso ti Bureau of Internal Revenue nga agkolekta ti value added tax kadagiti foreign digital services.
Segun iti Presidente, manamnama a makakakolekta ti pagilian iti P105-B iti sumaruno a lima nga tawen a mausar para iti panangipasdek ti 42K classrooms, nasurok 6k nga rural health units ken makapaaramid iti agingga 7k kilometro ti farm to market road.
Mailaksid iti panagbayad ti VAT dagiti educational ken public interest services kas kadagiti online courses, webinars ken dadduma pay nga digital educational offerings.
Malaksid iti daitoy ket adda pay 5% a ganansya manipud iti nasao nga linteg iti maiturong kadagiti creative industries.
Kayat na satwen ket direkta daitoy a benepisyaran dagiti artists, film makers, ken musicians.
