abyasa
LAOAG CITY – Umabot iti 45 a tattao ti natay idinto a naruay a sabsabali dagiti nagtalinaed a mapukpukaw kalpasan a naarinebneb ti dua a bangka a nagluganan da iti baybay a paset ti Djibouti.
Inbatad ti International Organization for Migration (IOM)a dagiti bangka a nagluganan ti 310 a tattao ket naggapo da idiay Yemen.
Basar iti coastguard, adda ti 61 nga indibidual a mapukpukaw ken iti agdama ket agtultuloy ti search operations.
Mainaig iti daytoy, inkari ti International Organization for Migration nga ikarigatan da a biruken dagiti mapukpukaw a biktima ken inpasigurado ti grupo ti kinatalged dagiti 116 nga indibiduak a nakalasat iti insidente.
