Mario Bautista
Awan ti Pilipino a nadangran iti terror attack idiay Israel ken idi insayangkat ti Iran ti nagsasaruno a panagpabanto iti missiles iti Jewish state idi October 1 kas impakaammo ti Philippine Embassy idiay Tel Aviv.
Segun ti embahada, amin a Pilipino nga adda idiay Israel ket natalged ta nagturongda kadagiti shelter apaman a nairuar ti pakaammo a mapanda kadagiti bomb shelter.
Kinuna pay iti embahada timmulong dagiti Filipino community leaders iti panagiwaras iti safety advisory iti embahada isu a kaadoan a Pilipino ket napanda kadagiti natalged a kuarto sakbay iti missile attack.
Nagyaman ti gobierno iti Pilipinas ti Filipino community idiay Israel iti pannakikammayetda ken uray iti Israeli Defense Forces Homefront Command para iti kina-alertoda.
