Maikadua nga aldaw ti filling of candidacy sadiay Bakun, Benguet, awan ti nangipila iti kandidaturana
Ben Madilynn
Zero wenno awan ti nangipila iti kandidaturana para iti 2025 National ken Local Elections sadiay Bakun, Benguet iti maikadua nga aldaw a panakaipatungpal ti filling of Certificate of Candidacy (COC).
Iti panakiuman ti Bombo Radyo kenni Richard Buenaventura, Commission on Elections Officer sadiay Bakun, Benguet kinunana nga idi umuna nga aldaw ti filling of candidacy ti dimmagsaan dagiti agngayangay iti nagduduma a posisyon ti gobyerno.
Daytoy ket gapu ta sangapulo ket maysa a politiko wenno maysa a political party ken daduma pay iti sabali a partido ti nangipila iti kandidaturada para iti kina-mayor, bise mayor ken councilors.
Sigun kenni Buenaventura, namnamenna ti maysa a politiko a mangipila iti kandidaturana ita nga aldaw.
Kabayatanna, generally peaceful ti kasasaad ti Bakun, Benguet kagiddan ti filling of candidacy bayat a sitatalinaed ti panagbantay dagiti pulis para iti anyaman nga “untoward incidents.”
Nagpalagip met ni Buenaventura kadagiti kandidato nga ipilada a dagus ti kandidaturada ken saanda nga urayen ti maudi nga aldaw tapno maliklikan ti “hustle” inton Okobre a otso iti agdama a tawen.
